आसन्न फाल्गुन २१ गते हुने प्रतिनिधि सभा सदस्य निर्वाचनका लागि रौतहट क्षेत्र नं. ३ बाट नेपाली कम्युनिष्ट पार्टीकी उम्मेदवार पुनम यादव ले आफूले इतिहास रच्ने दाबी गरेकी छन्।
जनतामाझ घरदैलो तथा भेटघाट कार्यक्रमका क्रममा उनले भनिन्, “रौतहट–३ मा परिवर्तनको नयाँ अध्याय सुरु हुनेछ। जनता मेरो साथमा छन्, र यसपटक परिणाम दिने नेतृत्व स्थापित हुनेछ।”
उनका अनुसार चुनाव केवल प्रतिनिधि छान्ने प्रक्रिया नभई क्षेत्रको भविष्य निर्धारण गर्ने अवसर हो। शिक्षा, स्वास्थ्य, रोजगारी र आधारभूत पूर्वाधारलाई प्राथमिकतामा राख्दै अघि बढ्ने प्रतिबद्धता उनले दोहोर्याइन्।
पुनम यादवले जनताको विश्वासलाई आफ्नो सबैभन्दा ठूलो शक्ति भएको बताउँदै मतदातालाई सोचेर निर्णय गर्न आग्रह गरेकी छन्।
